नेपालकैरन
काठमाडौँ । नेपाल सँगको ५ टी-२० खेलका लागि वेस्टइन्डिज क्रिकेट बोर्डले सोमबार ‘ए’ टोली घोषणा गरेको छ । दुई पटकको टी-२० विश्वकप विजेता वेस्ट इन्डिजको ए टोलीको कप्तानमा रोस्टन चेस छन् ।
कीर्तिपुरस्थित त्रिवि मैदानमा नेपाल र वेस्टइन्डिज ‘ए’बीच ५ टी-२० खेल हुनेछन् । सन् २०१६ मा वेस्ट इन्डिजले विश्वकप जित्दाका ब्याटर जोनसन चार्ल्स र आन्द्र फ्लेचर ए टोलीमा छन्। वेस्ट इन्डिज टोलीको पहिलो पटक नेपाल भ्रमणमा आउन लागेको हो।
नेपाल र वेस्टइन्डिज ‘ए’ बीचको पहिलो खेल वैशाख १५ गते, दोस्रो खेल वैशाख १६ गते, तेस्रो खेल वैशाख १९ गते , चौथो खेल वैशाख २० गते र पाँचौं तथा अन्तिम खेल वैशाख २२ गते हुनेछ ।
ओमानमा आइतबार सम्पन्न एसीसी प्रिमियर कपमा भाग लिएर नेपाली क्रिकेट टोली सोमबार राति स्वदेश आइपुगेको छ।
साविक विजेताका रुपमा ओमान पुगेको मेपाली टोली यसपटक चौथो भएर फर्केको छ। सेमिफाइनलमा संयुक्त अरब इमिरेट्स (युएई) सँग पराजित भएर लगातार दोस्रो पटक एसिया कप खेल्ने नेपालको सपना पूरा हुन सकेन ।
ओमानलाई फाइनलमा हराउँदै प्रिमियर कप जितेको युएई एसिया कपका लागि छनोट भएको छ। त्यसपछि अर्को मौकाको रुपमा रहेको एसीसी इमर्जिङ टिम्स एसिया कपमा पनि छनोट हुन नेपाल असफल रह्यो।
प्रिमियर कपको तेस्रो स्थानमा हङकङसँग पराजित भएसँगै नेपालको इमर्जिङ टिम्स एसिया कप खेल्ने योजना पनि पूरा हुन सकेन।
नेपालसँग खेल्ने वेस्ट इन्डिज ए को टोली
रोस्टन चेस (कप्तान), एलिक एथानाजे (उपकप्तान), फबिएन एलेन, कदिम एलियन, जोसुवा विसोप, केसी कार्टी, जोनसन चार्ल्स, मार्क दयाल, आन्द्रे फ्लेचर, म्याथ्यु फर्ड, ओबेद म्याककोय, गुडाकेश मोती, किमो पल, ओसान थोमस र हायडेन वाल्स ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबै
ताजा उपडेट
- नेपालद्वारा सहुलियतपूर्ण सहायता बढाउन विश्व समुदायलाई अपिल
- सभामुखले प्रधानमन्त्रीसहित प्रमुख दलका शीर्ष नेतासँग छलफल गर्ने
- एकीकृत समाजवादीको संसदीय दलको बैठक बस्दै
- बाँकेमा पाँच हजार हेक्टर वनमा डढेलो
- जापानका विदेशमन्त्री योको स्वदेश फिर्ता
- गण्डकीका मुख्यमन्त्री अधिकारीले पाए विश्वासको मत
- राष्ट्रपति र जापानका विदेशमन्त्री भेटवार्ता: हिमाल जोगाउनेबारे छलफल
- प्रधानमन्त्री–जापानका विदेशमन्त्री भेटवार्ता :आर्थिक सहकार्यबारे छलफल
- जसपा विभाजनको संघारमा, राईसहित ७ सांसदले दिए दर्ताको निवेदन
- जापानले नेपाललाई गर्दै आएको सहयोग अझै फराकिलो बनाउने