झापा । नेपाल पत्रकार महासङ्घ झापा शाखाले तीन दशकदेखि पत्रकारितामा सक्रिय पत्रकार केशव आचार्य र कृष्ण हुमागाईँलाई मोती पत्रकारिता पुरस्कार प्रदान गरेको छ ।
सभामुख देवराज घिमिरेले एक लाख एक हजार एक सय ११ रुपैयाँको उक्तपुरस्कार सोमबार उहाँहरूलाई संयुक्त रूपमा प्रदान गर्नुभएको छ । देशका प्रथम पत्रकार मोतीराम भट्टको स्मृतिमा स्थापित उक्त पुरस्कार शाखाको १४औँ अधिवेशनका अवसरमा प्रदान गरिएको हो ।
हरेक तीन वर्षमा यो पुरस्कार प्रदान हुँदै आएको छ । त्यस अवसरमा झापाको पहिलो पत्रिका ‘केटो’का नाममा त्यो शाखाले स्थापना गरेको २५ हजार रुपैयाँँको ‘केटो पत्रकारिता पुरस्कार’ पूर्वाञ्चल दैनिकको अनलाइन संस्करणका सम्पादक नरेन्द्र ढकाललाई प्रदान गरिएको छ । यसैगरी, हेम–सरिता फाउण्डेशनले स्थापना गरेको ५० हजार ५ सय ५५ रुपैयाँको ‘टङ्कप्रसाद रमादेवी पाठक पत्रकारिता पुरस्कार’ पत्रकार राजबाबु शङ्करलाई प्रदान गरिएको छ ।
लैङ्गिक समानता पत्रकारिता पुरस्कारबाट विराट एफएमकी लीला अनमोल र जनआन्दोलन साप्ताहिककी रेजिना गौतम, समावेशी सक्रिय पत्रकारिता पुरस्कारबाट कान्तिपुर टेलिभिजनका गणेशमान, कार्टुन पत्रकारिता पुरस्कारबाट पवन राजवंशी, अनलाइन पत्रकारिता पुरस्कारबाट शब्दपत्र डटकमका सम्पादक उद्धव पुरी, छापा पत्रकारिता पुरस्कारबाट मेची साप्ताहिकका सम्पादक झुलन रेग्मी, टेलिभिजन पत्रकारिता पुरस्कारबाट हिमशिखर टेलिभिजनका सुदीप अधिकारी र रेडियो पत्रकारिता पुरस्कारबाट रेडियो भिजनका पुष्प बराललाई सम्मान गरिएको छ ।
उदीयमान पत्रकारिता पुरस्कारबाट आँगन एफएमका चन्द्र बस्नेत र खबर मञ्चका सम्पादक प्रकाश पौडेललाई पुरस्कृत गरिएको छ । मेची–महाकाली साइकलयात्री पत्रकार मुक्ति पौडेललाई पनि सम्मान गरिएको छ ।
झापा शाखाले अधिवेशन पत्रकारहरू नकुलकाजी, गोविन्दचन्द्र छेत्री, गञ्जबहादुर दाहाल, शिरोमणि खतिवडा, लीला बराल, लेखनाथ परदेशी, गोपाल गिरी, चिन्तामणि दाहाल, नेत्र पाठक, केशव आचार्य र लक्ष्मण ढकाललाई दीर्घ सेवा सम्मान प्रदान गरेको छ ।
सभामुख घिमिरे, प्रतिनिधिसभा सदस्य विश्वप्रकाश शर्मा, नेपाल कम्युनिष्ट पार्टी (माओवादी) केन्द्र कोशी प्रदेश संसदीय दलका नेता इन्द्र आङ्बो, नेपाल पत्रकार महासङ्घकी केन्द्रीय उपाध्यक्ष वाला अधिकारी र महासङ्घका पूर्वमहासचिव चन्द्र भण्डारीले अधिवेशन सफलताको कामना गर्नुभएको थियो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- बागमतीको नीति तथा कार्यक्रम जेठ १४ गते आउने
- अमलेखगञ्ज–लोथर ‘पेट्रोलियम पाइप लाइन’ विस्तार हुँदै
- प्रहरी जवान घिमिरेको हत्या आरोपमा ६ जना पक्राउ
- ९७ वर्षीया वृद्धाको स्तन क्यान्सरको सफल शल्यक्रिया
- भेरी करिडोरको तल्नुबगर ‘बेलिब्रिज’ सञ्चालन
- संसदीय छानबिन समिति गठन गर्न दलहरु सहमत
- प्रदेशसभा बैठकः विशेषाधिकार समिति गठन
- चार एसएसपीलाई डिआइजीमा बढुवा सिफारिस
- सदनको अवरोध अन्त्यका लागि आज पनि शीर्ष नेताबीच छलफल
- मकवानपुरमा सवारी दुर्घटना, दुईजनाको मृत्यु, एक घाइते