+

सौराहामा फिल्म फेस्टिबल आजदेखि

चितवन। सौराहामा आजदेखि ‘सौराहा दक्षिण एसियाली चलचित्र महोत्सव’ शुरु भएको छ । 

क्याराभान नेपालको आयोजनामा रत्ननगर नगरपालिका वडा नम्बर ७ स्थित चित्रसारी खेलमैदानमा महोत्सव शुरु भएको हो । ५ दिनसम्म सञ्चालन हुने महोत्सवमा नेपाली चलचित्रको विकास र चितवनको पर्यटन प्रवर्द्धन गर्ने उद्देश्य राखिएको छ । 

क्याराभान नेपालका अध्यक्ष तथा चलचित्र निर्देशक विमल पौडेलले नेपाली चलचित्र र चलचित्रका माध्यमबाट चितवनसहित नेपालको पर्यटन विकासमा सहयोग पुर्याउन महोत्सव आयोजना गरिएको बताउनुभयो ।

महोत्सवमा चलचित्र विकास बोर्डसहित विभिन्न खाना, कपडा लगायतका ६० कक्ष छन् । दैनिक पाँच हजार दर्शकले महोत्सव अवलोकन गर्ने अपेक्षा आयोजकको छ । दैनिक सांस्कृतिक कार्यक्रम हुनेछन् । महोत्सवमा सिनेमा, वृत्तचित्र र छोटा चलचित्र विधामा अवार्ड प्रदान गरिने छ । 

यो खबर पढेर तपाईलाई कस्तो महसुस भयो ?

Love
0 %
WOW
0 %
 Like
0 %
Laugh
0 %
Sad
0 %
Angry
0 %

छुटाउनुभयो कि?

सबै