बाग्लुङ । नेपाल उद्योग वाणिज्य महासंघका अध्यक्ष चन्द्रप्रसाद ढकाल गृहजिल्ला बाग्लुङमा सम्मानित हुनुभएको छ । अध्यक्ष ढकाललाई बुधबारदेखि शुरु भएको ‘७ औँ बाग्लुङ महोत्सव’मा सम्मान गरिएको हो ।
बाग्लुङ नगरपालिका–१२ अमलाचौरमा जन्मिनुभएका अध्यक्ष ढकाललाई बाग्लुङ महोत्सव उद्घाटनका लागि आउनुभएका राष्ट्रपति रामचन्द्र पौडेलले सम्मान गर्नुभएको हो । बाग्लुङ उद्योग बाणिज्य संघले अध्यक्ष ढकाललाई व्यावसायिक क्षेत्रमा बाग्लुङको शान बढाएको भन्दै सम्मान गरेको हो ।
आइएमई ग्रुपका अध्यक्ष समेत रहनुभएका ढकालले व्यावसायिक क्षेत्रमा पाएको सफलताले बाग्लुङको चिनारी थप विस्तार भएको भन्दै उहाँलाई सम्मान गरिएको हो । सामान्य परिवारमा जन्मिनुभएका अध्यक्ष ढकालले लामो समयको अथक मेहनतपछि व्यावसायिक क्षेत्रमा सफलता प्राप्त गर्नुभएको छ । अध्यक्ष ढकालले आफूले आफ्नो जन्मभूमिमा पाएको सम्मान अमूल्य रहेको उल्लेख गर्दै महोत्सव आयोजकलाई धन्यवाद ज्ञापन गर्नुभयो ।
कार्यक्रममा अध्यक्ष ढकालसँगै बाग्लुङका अर्का व्यवसायी अशोक शेरचनलाई पनि सम्मान गरिएको छ । शेरचन प्रभु बैंकको प्रमुख कार्यकारी अधिकृत हुनुहुन्छ । उहाँहरु दुवैजनाले बैंकिङ लगायतका क्षेत्रमा लगानी गर्नुभएको छ । बाग्लुङ महोत्सवको शुरुवातदेखि अहिलेसम्मका महोत्सव सञ्चालन गर्न योगदान दिएका पूर्व अध्यक्षहरुलाई पनि संघले सम्मान गरेको छ । सम्मानित हुनेहरुमा सहदेव राजभण्डारी तथा पूर्व अध्यक्षहरु ध्रुवराज गौतम, बसन्तकुमार श्रेष्ठ, जयराम भारी र युवराज राजभण्डारी रहनुभएको छ ।
कोरोना भाइरस संक्रमणका कारण चार वर्ष रोकिएकोमहोत्सव यसपाली आयोजना गरिएको हो । महोत्सव पुस २१ गतेसम्म चल्ने आयोजकले जनाएका छन्।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- बागमतीको नीति तथा कार्यक्रम जेठ १४ गते आउने
- अमलेखगञ्ज–लोथर ‘पेट्रोलियम पाइप लाइन’ विस्तार हुँदै
- प्रहरी जवान घिमिरेको हत्या आरोपमा ६ जना पक्राउ
- ९७ वर्षीया वृद्धाको स्तन क्यान्सरको सफल शल्यक्रिया
- भेरी करिडोरको तल्नुबगर ‘बेलिब्रिज’ सञ्चालन
- संसदीय छानबिन समिति गठन गर्न दलहरु सहमत
- प्रदेशसभा बैठकः विशेषाधिकार समिति गठन
- चार एसएसपीलाई डिआइजीमा बढुवा सिफारिस
- सदनको अवरोध अन्त्यका लागि आज पनि शीर्ष नेताबीच छलफल
- मकवानपुरमा सवारी दुर्घटना, दुईजनाको मृत्यु, एक घाइते