काठमाडौँ । कोराना भाइरस संक्रमण (कोभिड–१९) को महामारीपछि नेपालको पर्यटन क्षेत्रले बल्ल लय समातिरहेको छ । यही बेला अमेरिकाले आफ्ना नागरिकलाई नेपाल भ्रमण गर्दा सम्भावित राजनीतिक द्वन्द्वबाट सतर्क रहन आग्रह गर्दै ट्राभल एडभाइजरी जारी गरेपछि पर्यटन व्यवसायी चिन्तित भएका छन् । अन्य मुलुकले समेत यसलाई अनुसरण गर्ने र पर्यटन क्षेत्रमै असर पर्ने भएकाले सरकारले गम्भीर रूपमा लिनुपर्ने सरोकारवालाको सुझाव छ ।
पर्यटन बोर्डका अनुसार नेपाल भ्रमणमा आउने विदेशी पर्यटकमा सबैभन्दा बढी भारतीय हुने गरेका छन् भने अमेरिकी नागरिक दोस्रोमा पर्छन् । अहिले अमेरिकी सरकारले नेपाल भ्रमणका क्रममा सतर्क रहन आग्रह गर्दै जारी गरेको नयाँ ट्राभल एडभाइजरीले नेपाल आउने पर्यटकलाई सोझै असर गर्ने व्यवसायीको चिन्ता छ । खासगरी पहिल्यै टिकट बुकिङ गरिसकेकाबाहेक सन् २०२४ को सुरुवातमा नेपाल आउन चाहने पर्यटकलाई धेरै असर गर्ने व्यवसायीको बुझाइ छ ।
शान्तिपूर्ण राजनीतिक प्रदर्शन कहिलेकाहीँ हिंसामा परिणत हुँदा सुरक्षा अधिकारीहरूले बल प्रयोग गर्न सक्नेतर्फ चनाखो हुन अमेरिकाले जारी गरेको ट्राभल एड्भाइजरीले अन्य मुलुकका पर्यटकलाई समेत प्रभाव पार्ने पर्यटन बोर्डको भनाइ छ । अमेरिकाले ट्राभल एडभाइजरी जारी गरेको ४ दिनपछि गत शुक्रबार क्यानडाले आफ्ना नागरिकलाई नेपाल भ्रमण गर्दा उच्च सतर्कता अपनाउन र आपत्कालीन सहयोग लिनसमेत सचेत गराएको छ ।
नेपालमा पृथक् राजनीतिक हिंसाको सम्भावना बढेको भन्ने अमेरिकी विदेश मन्त्रालयको भनाइले युरोपियन युनियन, बेलायत, जापान र अस्ट्रेलियाले समेत अनुसरण गर्न सक्नेतर्फ सरकार सचेत रहनुपर्ने पर्यटन बोर्डका पदाधिकारीको भनाइ छ ।
अमेरिकाले विभिन्न देशको अवस्थालाई हेरेर चार तहको ट्राभल एडभाइजरी जारी गर्दै आएको छ । नेपालमा यसअघि सामान्य अवस्था जनाइने यु श्रेणीको ट्राभल एडभाइजरी प्रयोग भइरहेकोमा यसपटक सावधानीको तह बढाएर दोस्रो अर्थात यु श्रेणी बनाइएको हो ।
यो खबर पढेर तपाईलाई कस्तो महसुस भयो ?
छुटाउनुभयो कि?
सबैताजा उपडेट
- बागमतीको नीति तथा कार्यक्रम जेठ १४ गते आउने
- अमलेखगञ्ज–लोथर ‘पेट्रोलियम पाइप लाइन’ विस्तार हुँदै
- प्रहरी जवान घिमिरेको हत्या आरोपमा ६ जना पक्राउ
- ९७ वर्षीया वृद्धाको स्तन क्यान्सरको सफल शल्यक्रिया
- भेरी करिडोरको तल्नुबगर ‘बेलिब्रिज’ सञ्चालन
- संसदीय छानबिन समिति गठन गर्न दलहरु सहमत
- प्रदेशसभा बैठकः विशेषाधिकार समिति गठन
- चार एसएसपीलाई डिआइजीमा बढुवा सिफारिस
- सदनको अवरोध अन्त्यका लागि आज पनि शीर्ष नेताबीच छलफल
- मकवानपुरमा सवारी दुर्घटना, दुईजनाको मृत्यु, एक घाइते